.

'dit gaan om die sluiting van vennootskappe op absoluut deursigtige en gelyke grond'

breytenbach sentrum art

.

'waar iedereen haar of sy bydrae sal kan lewer uit hoofde van vaardigheid of vermoë of potensiaal'

bôrdinghuis drama

.

'veral gaan dit om uitdagende skepping, 'n ware transformasieproses'

breytenbach galery

.

'hierdie is nie 'n plek van opgee of afgee of weggee nie; dit gaan oor aangee'

.

'dit is nie 'n plek oor verdeel of opdeel nie, maar om deelname en deelwórd'

KAN JY HELP?

Die Grevilleas Steunfonds

Die Breytenbach Sentrum samel tans broodnodige fondse in om die voortbestaan van die Sentrum te verseker. Daarvoor is die Grevilleas Steunfonds begin. Die Breytenbach Sentrum is ‘n kuns-en kultuursentrum waar alle lede van die gemeenskap tuis kan wees en aan verskillende opleidingsprogramme en ander interaktiewe projekte kan deelneem. Die Sentrum (en sy terrein, geboue en personeel) maak verskeie gemeenskapsprojekte – van naaldwerk-, rekenaar- en dagsorgopleiding tot dramaklasse – moontlik.

Enige eenmalige kontantbydrae van enige bedrag (’n maandelikse aftrekorder sal ook waardeer word) kan inbetaal word by: Breytenbach Kultuursentrum, Nedbank, 1029022739, Wellington (198765), verwysing: Steunfonds

BREYTEN SE NUWE KUNSUITSTALLING EN BOEK

VIRTUELE BEKENDSTELLING VAN BREYTEN BREYTENBACH SE KUNSUITSTALLING SKEURSELS EN VOLKSBOEKIE OF ’N TRAKTAAT HOKHOKAAI FRAGMENTE IN WELLINGTON
*druk op die speel-knoppie of verfris jou webblaaier (druk Shift en F5 gelyktydig)

Breyten help Breytenbach Sentrum met Skeursels en Hokhokaai Fragmente

Die digter en kunstenaar Breyten Breytenbach het nie stilgesit sedert die Covid-19 pandemie almal in die wêreld se doen en late van Maart 2020 op alle terreine drasties ingeperk het nie. Die resultaat is ’n volksboekie of ’n traktaat, HOKHOKAAI FRAGMENTE, en ’n uitstalling, SKEURSELS, van nuwe kunswerke wat op Saterdag 10 Julie 2021 van 11h00 virtueel van die Breytenbach Sentrum in Wellington hier op die webwerf by www.breytenbachsentrum.co.za bekendgestel is.

Breytenbach het die bundel en kunswerke spesiaal geskep as deel van die Breytenbach Sentrum se projek Woordmakersvallei en die nuutgeskepte Grevilleas Steunfonds om fondse in te samel om die voortbestaan van dié gemeenskapsentrum in die hartjie van Wellington te verseker. Breytenbach het saam met sy ouers en jongste broer en suster in Grevilleas gewoon.

Meer inligting:

Plek van uitdagende skepping

Die Breytenbach Sentrum in Burgerstraat 14 in Wellington is ’n multidissiplinêre kultuursentrum vir opleiding in, en omgang met, beeldende kunste, musiek, drama en skryfkuns. Kom deel in gesprekke, idees, bekendstellings, opleiding en werkswinkels en beleef kuns, musiek, drama en die mense wat dit skep, waardeer en beleef.

Die volgende woorde deur die digter, skrywer en kunstenaar Breyten Breytenbach, gelewer tydens die Breytenbach Sentrum se opening op 26 Februarie 2007, is die kompas van al die werksaamhede van die Sentrum:

‘Hier word plegtig afgespreek dat dit gaan om die sluiting van vennootskappe op absoluut deursigtige en gelyke grond – waar iedereen haar of sy bydrae sal kan lewer, uit hoofde van vaardigheid of vermoë of potensiaal. Maar veral gaan dit om uitdagende skepping, ’n ware transformasieproses. Want hierdie is nie ’n plek van opgee of afgee of weggee nie; dit gaan oor aangee. Nie om verdeel of opdeel nie, maar om deelname en deelwórd.’ 

artikels

hier skyn die kollig

WILLEM MULDER FOTO-UITSTALLING: EEN-SAAM
Willem Mulder se foto-uitstalling, Een-saam, is gedurende Julie en Augustus 2021 in die Cloete-gemeenskapsgalery in die Breytenbach Sentrum in Wellington te sien.
Mulder is in 1972 op Stellenbosch gebore. Hy bevind hom tans ná vele omswerwinge in Wellington. Hy was al als van wannabe skrywer, vakleerling-glasblaser, hippie, kroegman, leersakmaker, digter, tot waar hy tans sy vaardighede as fotograaf slyp - iets waarvoor hy op ‘n baie vroeë ouderdom reeds ‘n groot liefde ontwikkel het.
Weens Covid-regulasies, moet besigtigings vooraf bespreek word by Anne-Ghrett Erasmus, kurator, by [email protected] of 083 415 0002 of 021 873 2786.

Breytenbach Sentrum: Gister, Vandag, Môre

Die digter en kunstenaar Breyten Breytenbach en dr. Janine Maske, vorige voorsitter van die Trust van die Breytenbach Sentrum in Wellington, gesels in hierdie video-opname oor die geskiedenis en toekomsvisie van die Sentrum sowel as oor die wyse waarop Suid-Afrikaners en buitelanders by hierdie unieke plek betrokke kan raak.

Die gerestoureerde gebou wat vandag die Breytenbach Sentrum is, was die gesinshuis waar Breytenbach saam met sy ouers en jongste broer en suster gewoon het. Hy was ook hoofseun van die Hugenote Hoërskool in Wellington.

poësie en woorde by die breytenbach sentrum

Die pragtige digterstuin en geboue by die Breytenbach Sentrum in Wellington is vol gedigte en inspirasiewoorde. Teen mure, op teëls en vensterruite, in bome, op mosaïek by tuinbankies, langs die rustige fontein en elders in die die skeppende omgewing. Kom geniet die lafenis tussen honderde boeke in die boekwinkel, uitdagende kunswerke in die galery, teaterproduksies en energieke gemeenskapsprojekte.

bly ingelig op facebook